“El CURONAVIRUS”
Me piaserìa rivedè la mia Bregnan in ferment
cun musica, trafic e tanta gent
se sent minga ‘na mosca vulà
ghe tutt fermu, la gent lè tuta in cà.
…..me ven de caragnà!
nessun che vusa, nessun che fa rumur
pasa minga ‘na machina e nanca un tratur
el gà metù tucc in crus stu virus curòna
sem chi imputent e invocum la Madona
disen che l’è culpa d’un virus cinès
che per prim se lè ciapada cunt i bergamasc e milanes
alla svelta però el se difund
e lè adrè a ciapasela cun tut el mund
in tucc ciapà quei del guvernu e istituzion
lavuren di e not per truvà ‘na suluziun
ringraziemi tucc, dutur e infermèr
che se dan de fà pusèe del so duvèr
purtrop i pulemic in frequent
specialment da quei abituà a fa nient
forse un quei vun se ne rent minga cunt
semm su la stessa barca che la rischia de andà a funt
Intant ghe pensi e fu i mè riflesiun
sui valur de la vita e de tucc i questiun
speri che i guvernant del mund tegneran cunt de la sfida:
danè, bumb e supremazia se cancelen con una starnudida