CITA STÒRIA DLA VENARIA
Da quand esist sta nòstra gran sità
a dis un proverbi vej e bin pensà :
“Chi a va a Turin e nen a Venaria
a vèd la mare, ma a vèd nen la fia!”
La gent cha va a spass për Contrà granda,
tra coi palass ch’a parlo ʼd nobiltà,
a sènt ancora adess passàndje aranda
l’aria dël temp antich del nòst passà.
A vèd la piassa ariosa, la cesa, ël bel cioché,
ij pòrti antorn che a-j fan da coron-a,
l’Angel da dzora ch’an dis sempre ʼd preghé
cola Madòna ch’an guerna e ch’an perdon-a.
Passà i Quat canton, laggiù slë sfond
dle montagne aute, a j’è ʼl Castel,
un dij pì grand che a j’è ancora al mond
e che a diventerà sempre pì bel.
Dal pont ëd Castlamont a col dla ferovia
l’eva dla Sronda a scor pròpe davzin,
l’han fait na diga per portela via
e fé giré le prime bòite ʼd Turin.
Peui la gent l’é rivà da tute le region
a travajé ant le fabriche dla Snia,
anche se ʼl pòst a l’era nen tant bon
a l’ha soportà e a lé pì nen andaita via.
La Guera, ël Fassio, la Liberassion,
fam e miseria a l’han vorsù dì,
caserme pien-e ʼd soldà, tanti canon
e tanti mòrt che a torneran mai pì.
Fòrsa e coragi sitadin dla Venaria,
ricordomla sempre nòstra stòria,
a l’è lunga, ma a l’è ʼncora nen finia:
a sarà bela finché a-i sarà ʼd memòria.
PICCOLA STORIA DI VENARIA
Da quando esiste questa nostra grande città
dice un proverbio vecchio e ben pensato:
“Chi va a Torino e non a Venaria
vede la madre, ma non vede la figlia!”
La gente che va a passeggio per Via Maestra,
tra quei palazzi che parlano di nobiltà,
sente ancora adesso passandoci vicino
l’aria del tempo antico del nostro passato.
Vede la piazza ariosa, la chiesa, il bel campanile,
i portici attorno che gli fanno da corona,
l’Angelo* di sopra che ci dice sempre di pregare
quella Madonna* che ci governa e ci perdona.
Passati i Quattro cantoni*, laggiù sullo sfondo
delle montagne alte, c’è il Castello*,
uno dei più grandi che c’è ancora al mondo
e che diventerà sempre più bello.
Dal ponte di Castellamonte a quello della ferrovia
l’acqua della Ceronda scorre proprio vicino,
hanno fatto una diga per portarla via
e far girare le prime fabbriche di Torino.
Poi la gente è arrivata da tutte le regioni
a lavorare nelle fabbriche della Snia*,
anche se il posto non era molto buono,
ha sopportato e non è più andata via.
La Guerra, il fascismo, la Liberazione,
fame e miseria han voluto dire,
caserme piene di soldati, tanti cannoni,
e tanti morti che non torneranno più.
Forza e coraggio cittadini di Venaria,
ricordiamola sempre nostra storia,
è lunga e non è ancora finita:
ma sarà bella finché ci sarà memoria.