CUMÈ DAL LÓẒẒLI
T’guèrd la léuna ….
ì pasa i dè, al nòti
e u t pèr ch’u n sèa vèrra
che tótt stal ròbi al sia suzèsti
alà in fònd e’ fiómm
l’è criséu dal stérpaj
pasèi tramèza
l’è una gran fadóiga
mo dòp alazò ù j è
cumè dal lóẓẓli ch’al viàza
sàura l’àcva de’ mèr
e l’è un instèda nóva, burdlètta.
COME DELLE LUCCIOLE
Guardi la luna …
passano i giorni, le notti
e ti sembra non sia vero
siano successe tutte queste cose
là in fondo al fiume
sono cresciute delle sterpaglie
attraversarle
è una gran fatica
ma dopo più giù ci sono
come delle lucciole che viaggiano
sopra l’acqua del mare
ed è un’estate nuova, giovincella.
GÓDSI
Gódsi e’ dè
ch’è bóssa mi schèur
e l’àintra dràinta
ènca da i béus
squansénd j’ insogni,
e’ vént giazéd
che è tàja la fàza
e u t fa sintòi vóiv
j udèur d’érba tajèda
e cvèl dal róṣi
regini ad tótt ch’ilt fièur
e’ sàul ch’u t’ imbarbàja
e al su òmbri cumè cvérti di pansìr
l’umàur di frótt dl’órt
t’una padèla ch’ì sfrézz
e a schèur céus
slunghè i pi giàz
e gódsi e’ tévdi
dla tu sgònda primavìra.
GODERSI
Godersi il giorno
che bussa alle persiane
e entra dentro
anche dai buchi
scansando i sogni,
il vento ghiaccio
che taglia il viso
e ti fa sentire vivo
gli odori dell’erba tagliata
e quello delle rose
regine di tutti gli altri fiori
il sole che ti abbaglia
e le sue ombre come coperte dei pensieri
il sapore dei frutti dell’orto
in una padella che sfriggono
e a persiane chiuse
allungare i piedi ghiacci
e godere il tiepido
della tua seconda primavera.
LAṢÉ CH’Ì VAGA
Andé pièn
fé al robi à la mnèuda
sénza préssia
laṣé ch’ì vaga
che e’ bèl l’è alè
ti sgónd gudéud
ti silénzi
s’è cri cri d’un tèrli
s’la pòrbia che guèsi l’a t pèrla
cvànd la brélla càuntra
che spraj ad sàul
è saria bèl sintoi e’ malan
d’un fiàur che sbòẓẓla
inchìna la nèiva
ch’l’a s àpoza s’un còp.
L’è adés, ch’ u t vén acsè
da pansè …
propri cvànd
s’al tu gambi pìni d’an
slònghi tl’àcva de mèr piat
se fè lizìri
cvànte una pavàjota
t’fé e’ mórt.
LASCIATE CHE VADANO
Andate piano
fate le cose alla spicciolata
senza fretta
lasciate che vadano
che il bello è lì
nei secondi goduti
nei silenzi
con il cri cri d’un tarlo
con la polvere che quasi ti parla
quando brilla contro
quel raggio di sole
sarebbe bello sentire il chiasso
d’un fiore che sboccia
persino la neve
che si appoggia su una tegola.
È adesso, che ti viene così,
da pensare …
proprio quando
con le tue gambe piene di anni
allungate nell’acqua del mare piatto
con il fare leggero
quanto una falena
fai il morto.